"Sumqayıt" futbol klubunun prezidenti Sportinfo.az-a açıqlama verib.
Riad Rəfiyev ilk növbədə Premyer Liqanın ötən mövsümü ilə cari sezonu müqayisə edib:
"Ötən mövsüm çox maraqlı keçdi. Son tura qədər mübarizə getdi. 2024/25 sezonunun birinci yarısını arxada qoyduq.
Ümid edirəm ki, bu mövsüm daha maraqlı olar. Bizi qarşıda hələ 18 tur gözləyir".
"Sumqayıt" üçün bu mövsüm heç də uğurlu start götürməyib. Yayda ölkəmizi Konfrans Liqasında təmsil edən "kimyaçılar" indi avrokuboklar zonasından çox uzaq düşüb.
Görəsən komandanın qış fasiləsində məqsədi nə olacaq? Daha da güclənib avrokuboklara düşmək uğrunda sona kimi mübarizə aparmaq, yoxsa məhdud heyət və büdcə ilə elitada qalmaq məqbul sayılacaq?
Klub rəhbərinin qısa cavabında çox iddialı fikirlər yer alıb:
"Bizim hədəfimiz hər zaman ən yuxarı yerlər üçün mübarizə aparmaq olub. Qarşıdakı hər oyuna qələbə üçün meydana çıxacağıq".
