Veteran futbolçular arasında “Dünya Azərbaycanlılarının Həmrəyliyi Günü”nə həsr olunmuş minifutbol üzrə turnir keçirilib.
Sumqayit24.az xəbər verir, turnir "İdman Paytaxtı" Quba şəhərində baş tutub. Azərbaycan milli komandası, həvəskarlar liqası, “Sumqayıt”, “Neftçi”, Quba, Qusar, Şabran və Xaçmaz rayonlarının komandaları iştirak ediblər. Turnirin finalında Azərbaycanın veteran futbolçulardan ibarət milli komandası ilə “Sumqayıt” komandası qarşılaşıb.
“Sumqayıt” komandası 1:0 hesabı ilə qalib gələrək turnirin qalibi adına layiq görülüb.
Qeyd edək ki, yarış Gənclər və İdman Nazirliyinin dəstəyi, Futbol Veteranları İctimai Birliyinin təşkilatçılığı ilə baş tutub.
