“Sumqayıt” klubunun xanım futbolçusu milliyə çağırılıb.
Sumqayit24.az xəbər verir ki, 19 yaşadək qadın futbolçulardan ibarət Azərbaycan yığması yanvarın 27-dən 29-dək Bakıda, yanvarın 30-dan fevralın 6-dək isə Belarusun paytaxtı Minskdə təlim-məşq toplanışı keçirəcək.
Komanda fevralın 2-də və 5-də Belarusun U-19 yığması ilə iki yoldaşlıq oyununa çıxacaq. Təlim-məşq toplanışına dəvət olunan futbolçuların siyahısında “Sumqayıt”ın üzvü Mədinə Qadimaliyevanın da adı var.
