"Sumqayıt" yay təlim-məşq toplanışı çərçivəsində ilk yoxlama matçını keçirib.
Sumqayit24.az xəbər verir ki, yeni mövsümə hazırlaşan "kimyaçılar" debutant "İmişli" ilə üzə-üzə gəlib. Mehdi Hüseynzadə adına Sumqayıt şəhər stadionunda keçirilən qarşılaşma həm də Saşa İliçin "Sumqayıt"ın baş məşqçisi rolunda ilk matçı kimi tarixə keçib.
Bəlkə də bu səbəbdən oyuna maraq kifayət qədər böyükdür. Sınaq matçı olmasına rəğmən təxminən 400-500 civarında azarkeş tribunalara cəm olub.
Qeyd edək ki, qarşılaşmada qolsuz bərabərlik qeydə alınıb.
