Sumqayıtlı cüdoçular Avropa Kubokunu qazanıblar.
Sumqayit24.az xəbər verir ki, gənclər arasında yarış Şimali Makedoniyanın paytaxtı Skopyedə keçirilib. Azərbaycan yığması yarışda 4 qızıl, 1 gümüş və 1 bürünc medal qazanaraq, komanda hesabında 26 ölkə arasında 1-ci yeri tutub.
Sumqayıt idmançıları Süleyman Şükürov (81 kq) və Nihad Məmişov (60 kq) qızıl medal əldə ediblər.
Qeyd edək ki, Nihad Məmişov məşqçi İlham Məmmədovun, Süleyman Şükürov isə Fərid Ağakişiyevin yetirməsidir.
