Sumqayıtlı cüdoçular mükafatlar qazanıblar.
Sumqayit24.az xəbər verir ki, cüdo üzrə U-14 yeniyetmələr arasında Liqa yarışının III turu start götürüb.
80 klub və idman cəmiyyətindən olan 390 idmançı (313 oğlan, 77 qız) ümumilikdə 18 çəki dərəcəsində medallar uğrunda mübarizəyə qoşulub.
Hövsan qəsəbəsində yerləşən Fövqəladə Hallar Nazirliyinin İdman Sağlamlıq Mərkəzində keçirilən turnirin ilk günündə 9 çəki dərəcəsində qalib və mükafatçılar müəyyənləşib.
Qeyd edək ki, cari ildə U-14 Liqa yarışının dörd turunun keçirilməsi planlaşdırılır. Bu yarışlar nəticəsində idmançıların reytinq siyahısı formalaşacaq.
Sumqayıtda ilk günün qalib və mükafatçıları:
Oğlanlar
46 kq
2-ci yer - Məhərrəm Bayramlı (Sumqayıt şəhəri 1 İOEUGİŞM)
55 kq
3-cü yer- Əli Mustafazadə (Sumqayıt şəhəri 1 İOEUGİŞM)
Qızlar
44 kq
3-cü yer- İlkinur Rəhimli (Sumqayıt şəhəri İOEUGİM)
