Sumqayıtlı cüdoçular mükafatlar qazanıblar.
Sumqayit24.az xəbər verir ki, 17 yaşadək yeniyetmələr arasında Liqa yarışının birinci turu keçirilib. Hövsan qəsəbəsində yerləşən Fövqəladə Hallar Nazirliyinin İdman-Sağlamlıq Mərkəzində baş tutan döyüşlərdə Nihad Ağayev (Sumqayıt şəhəri 1 İOEUGİŞM) və Rəvan Abuşzadə (Neftçi Sumqayıt) 50 kq. üzrə müvafiq olaraq qızıl və gümüş medallara layiq görülüblər.
Həmçinin “Neftçi Sumqayıt”ın idmançısı Yağmur Əhmədzadə (Neftçi Sumqayıt) 52 kq. üzrə ikinci yeri tutub.
Qeyd edək ki, cari ildə U-17 Liqa yarışının dörd turunun keçirilməsi planlaşdırılır. Bu yarışlar nəticəsində idmançıların reytinq siyahısı formalaşacaq.
