Sumqayıtlı veteran futbolçu Vüqar Bəybalayev 32 yaşında subaylığın daşını atıb.
Fanat.az-ın məlumatına görə, sabiq yarımmüdafiəçi Günel adlı xanımla ailə həyatı qurub. Toy mərasimi Sumqayıtdakı şadlıq saraylarının birində olub.
Qeyd edək ki, Vüqar Bəybalayev 2023-cü ildə futbolçu karyerasını başa vurub və o vaxtdan "Səbail"də seleksiyaçı-məşqçi kimi çalışır.
Futbolçu kimi son olaraq “İrəvan”da çıxış etmiş Vüqar “Bakı”, “Turan Tovuz”, “Rəvan”, “Xəzər Lənkəran”, “Kəpəz”, “Sumqayıt”, “Səbail” kimi klubların formasını geyinib, Gürcüstan “Telavi”sində legioner həyatı yaşayıb.
