Sumqayıtda yeni minufutbol komandası qurulub.
Sumqayit24.az xəbər verir ki, sözügedən kollektivə “Sumqayıt” FK-nın “UltraSumqayıt” fan klubunun rəhbəri Qüdrət Allahverdiyev başçılıq edəcək. Komanda Azərbaycan Minifutbol Federasiyasının Sumqayıt liqasında çıxış edəcək.
“Gəncləri pis vərdişlərdən uzaq olmaları və sağlamlıqları üçün bizə qoşulmağa dəvət edirik. Yaranan klub gənclərdən ibarət liqada mübarizə aparacaq və maksimum yaş həddi 18 olacaq.
İlki seçimlər artıq keçirilib. Bu həftə yeni seçimlər təşkil olunacaq.
Bizə qoşulmaq istəyənlər (055) 338-07-05 nömrəsi ilə əlaqə saxlaya bilərlər”, - deyə Q.Allahverdiyev qeyd edib.
