Sumqayıtlı güləşçi İslam Abbasov Tokio-2020 olimpiadasında ilk qarşılaşmasına çıxacaq. Görüş sabah, 3 avqust Bakı vaxtı ilə 06:30 da baş tutacaq.
Püşkatma mərasiminin nəticəsində, Yunan-Roma güləşçimiz İslam Abbasov (87 kq) 1/8 finalda kubalı Daniel Qreqoriçlə üz-üzə gələcək. Qalib gəldiyi halda Sumqayıtlı idmançı 1/4 finalda belarus Kiril Maskeviçlə - misirli Məhəmməd Metvalli cütlüyunün qalibiylə qarşılaşacaq.
2017 - ci ildə Bakıda keçirilən İslam Həmrəyliyi Oyunlarında Abbasov finalda Türkiyə idmançısı Ali Cengizi məğlub edərək qızıl mükafata layiq görülmüşdür. 2018 - ci ildə 23 yaşadək güləşçilər arasında Avropa çempionu olmuşdur. 2021 - ci ilin martında Budapeştdə ilk lisenziyalı turnirdə qızıl medal qazanaraq, Olimpiadada iştirakını təmin etmişdir.
