Yunan-Roma güləşi üzrə yeniyetmələr arasında şəhər birinciliyi keçirilib. Bu haqda bu gün, 5 aprel tarixində şəhər Gənclər və İdman Baş İdarəsinin rəsmi Facebook səhifəsinə istinadən xəbər veririk.
“Alüminiumçu” İdman Evində keçirilən yarışda 2005-2007-ci il təvəllüdlü yeniyetmələr mübarizə aparıb. İdmançılarımız Elmir Şükürov (45 kq), Elvin Nuriyev (48 kq), Səid Xəlilov (51 kq), Əli Seyidəlili (55 kq), Mərd Əlizadə (60 kq), Nihad Bünyadzadə (65 kq), Elnur Hüseynov (71 kq), Əli Mehdiyev (80 kq), Xalid Vəlixanov (92 kq) və Əli Bayramov (110 kq) bütün rəqiblərinə qalib gələrək fəxri kürsünün ən yüksək pilləsinə qalxıblar.
Güləşçilər şəhər Gənclər və İdman Baş İdarəsi tərəfindən Fəxri fərman, medal və hədiyyələrlə təltif olunub.
