Pankration, grappling və MMA üzrə Bakı şəhəri açıq çempionatı Şağan Olimpiya-İdman Kompleksində baş tutub. Yarış Bakı Şəhər Gənclər və İdman Baş İdarəsi və Azərbaycan Pankration, Grappling və MMA Federasiyası tərəfindən təşkil olunub.
Burada, Sumqayıtla yanaşı ölkənin müxtəlif regionlarından idmançılar mübarizə aparıb. Nəticədə şəhərimizi təmsil edən idmançılar Fərid Sarıyev və Əfsan Vəliyev 1-ci, Murad Əliyev, Niyaz Sarıyev və Rəşad Əliyev 2-ci, Xaliq Əlizadə və Elnur Əliyev isə 3-cü yeri tutublar.
