Sumqayıtlı idmançılar "Bədii Gimnastika üzrə 6-cı Bölgələrarası Kubok yarışı"nda iştirak edib. Sumqayıt24 bu haqda bu gün, 6 iyun tarixində Tərtər rayon İcra Hakimiyyətinə istinadən xəbər verir.
Uşaq, yeniyetmə və gənclər arasında təşkil olunan yarış ilk dəfə olaraq Tərtərdə yerləşən olimpiya idman kompleksində keçirilib. Burada Sumqayıt OİK-in idmançıları daxil olmaqla “Zirvə” İK, Kürdəmir, Gəncə, Kür, Şirvan, Masallı, Zaqatala, İsmayıllı, Ağdaş, Göyçaydan ümumilikdə 44 gimnast qüvvəsini sınayıb. Onlardan 31-i fərdi, 4-ü isə qrup komandasının heyətində çıxış ediblər.
Sonda rayonun icra başçısı Müstəqim Məmmədov qaliblərə federasiyanın medal və diplomlarını, eləcə də icra hakimiyyətinin qiymətli hədiyyələrini təqdim edib.
