Sumqayıt idmançıları Azərbaycan çempionatında uğurla çıxış ediblər.
Sumqayit24.az xəbər verir ki, Bakı şəhərində karate (WKF) üzrə yeniyetmə, gənclər, böyüklər və para karate üzrə Azərbaycan çempionatı keçirilib. Yarışda müxtəlif çəki dərəcələrində mübarizə aparan Sumqayıt idmançıları – Ələddin Məlikov (68 kq) 16-17 yaş, Aysu Əliyeva (61 kq) U21 və böyüklər arasında qızıl, Osman Osmanlı (84 kq), Nicat Kərimli (75 kq) böyüklər arasında, Cahangir Qayıbov (76 kq), Şiriyev Elçin (55 kq), Səbinə Səfərova (66kq) 16-17 yaş, Aişə Mirzəyeva (61 kq) 14-15 yaş gümüş, Nicat Kərimli (75 kq), Yavərbəy Abdullayev (+84) U21, Nicat Hacılı (75 kq), Azərin Nəcəfova (50 kq) 18-21 yaş, İnşallah Qasımzadə (68 kq) 16-17 yaş, Murad Əhmədzadə (45 kq), Cavid Hacıyev (40 kq) 12-13 yaş bürünc medala layiq görülüblər.
Şəxsi kata yarışlarında Samirə Məmmədova 18-21 yaşlılar arasında 1-ci, 21 yaşdan yuxarı yaş qrupunda 2-ci yeri tutub. Elcan Sultanov 12-13 yaşlılar arasında 2-ci yeri tutub.
Parakarate üzrə keçirilən yarışda Nihad Məmmədzadə və Eldar Əhmədov müvafiq olaraq 1-ci və 2-ci yerləri tutub.
