"Suraxanı rayonunun Hövsan qəsəbəsində doğulsam da, lakin "Vikipediya"da nədənsə hələ də doğulduğum yer kimi Sumqayıt göstərilir".
Bu sözləri İdmaz.biz-ə müsahibəsində yunan-Roma güləşi üzrə ikiqat dünya çempionu olan Ülvi Qənizadə deyib.
Müsahibədə o, doğulduğu yerlə bağlı yanlışlığa aydınlıq gətirib.
"Mən Sumqayıta və sumqayıtlılara, eləcə də Azərbaycanın bütün bölgələrinə böyük hörmətlə yanaşıram. Amma mən Suraxanı rayonunun Hövsan qəsəbəsində doğulmuşam, böyümüşəm və bu gün də orada yaşayıram. Lakin "Vikipediya"da nədənsə hələ də doğulduğum yer kimi Sumqayıt göstərilir. Fürsətdən istifadə edib, sizin sayt vasitəsilə doğru məlumatı çatdırmaq istəyirəm!", -deyə o qeyd edib.
Onu da əlavə edək ki, idmançı Olimpiya idman növləri arasında dünya çempionu titulunu qazanan yeganə azərbaycanlı idmançıdır.
