Bildiyiniz kimi, dünən “Sumqayıt” futbol klubu “Neftçi”ni qəbul edib (0:2). Oyun Mehdi Hüseynzadə adına Sumqayıt şəhər stadionunda baş tutub.
Hər ev oyununda olduğu kimi, bu matçdan əvvəl də yerli klub stadiona tamaşaçı cəlb etmək üçün müxtəlif afişalar və çağırışlar hazırlayaraq sosial şəbəkələrdə yayımlayırdı.
Bundan təsirlənən sumqayıtlılar soyuq, külək və yağışa baxmayaraq doğma komandalarını dəstəkləmək üçün stadiona üz tutublar. Lakin burada onları xoşagəlməz bir mənzərə – daha doğrusu, hörmətsizlik qarşıladı: tribunadakı oturacaqların üstü toz-torpaq içində idi.
Buna baxmayaraq, həmşəhərlilərimiz stadionu tərk etmədilər. Kimisi əlindəki kağız və salfetlə oturacaqları təmizlədi, əlində heç nə olmayanlar isə toz-torpaq üzərində əyləşərək 90 dəqiqə boyunca “Sumqayıt”a dəstək verdilər.
Halbuki komandaların əsas məqsədi vaxtını və pulunu ayıraraq onlara dəstək üçün gələn azarkeşlərin rahatlığını təmin etmək olmalıdır.
