“Şuşa Kuboku” adlı bilik yarışması başa çatıb. Sumqayıt24 bu haqda bu gün, 21 aprel tarixində Gənclər və İdman Baş İdarəsinə istinadən xəbər verir.
Bilik yarışı Heydər Əliyev Mərkəzində keçirilib. “Xəmsə” formatında təşkil edilən yarışın yarımfinal və final mərhələləri yekunlaşıb. Qaliblər arasında 35 saylı məktəbin “Polad” komandası 1-ci, 28 saylı məktəbin “Kepler” komandası 2-ci, 1 saylı məktəbin “Zəfər” komandası isə 3-cü yerə layiq görülüblər.
Cari ilin mart ayından start götürmüş yarışın final mərhələsində 200 nəfərə yaxın şagird iştirak edib.
Qalib komandalar Baş İdarənin kubok, medal və Fəxri fərmanları ilə təltif ediliblər.
