“Sumqayıt”ın baş məşqçisi Vaqif Cavadovla müqavilənin müddətini uzatdığını xəbər vermişdik.
Klubun Müşahidə Şurasının iclasında 35 yaşlı mütəxəssislə yola davam etməyə qərar verilib. Vaqif Cavadovun işi qənaətbəxş hesab olunub və onunla daimi əsasda müqavilə bağlanılması məqsədəuyğun sayılıb. Cavadov "gənclik şəhəri" təmsilçisi ilə 2,5 illik müqavilə imzalayıb.
Hazırda 20 xalla 6-cı pillədə qərarlaşan “kimyaçılar” ölkə kubokunun 1/4 finalında “Sabah”la üz-üzə gələcək. Görəsən, “Sumqayıt” Vaqif Cavadovun rəhbərliyi altında kubokda və ya premyer-liqada hansısa böyük uğura imza ata bilərmi? Football-plus.az bu sualı təcrübəli mütəxəssis Aslan Kərimova ünvanlayıb:
“Vaqif Cavadovun böyük təcrübəsi olmasa da, öyrənməyə açıq olan məşqçilərimizdəndir. Böyük komanda ilə işləməklə bağlı ilk təcrübəsidir. Prinsipcə uğur qazana bilər. Düşünürəm ki, məşqlərin təşkilində və oyunçularla kommunikasiya qurmaqda böyük çətinlikləri yoxdur.ubokda “Sabah” və “Qarabağ” kimi komandaları kənarlaşdırmaq üçün güclü heyətə sahib olmaq lazımdır. Düşünürəm ki, Vaqif Cavadovun uğuru edəcəyi transferlərdən asılı ola bilər. Bu heyəti qorusalar, kubokda çətin olacaq. Çempionatda yüksək yerlər uğrunda mübarizə aparmaq indidən çətindir. Kubok elədi ki, az oyunla nəticə əldə edə bilirsən. Hər halda, “Sumqayıt” kimi komanda üçün kubokda uğur qazanmaq daha rahatdır. Amma “Qarabağ”la “Sabah”ı adlamaqdan ötrü transferə ehtiyacı var. Hazırda olan futbolçularla “Sabah” və “Qarabağ”la rəqabət aparmaq onlar üçün asan olmayacaq”.
