"Bu futbolçular "Neftçi" səviyyəsində deyillər".
Bu sözləri ATV kanalında yayımlanan “Futbolumuz” verilişinin aparıcısı Ceyhun Rzayev deyib. O, Samir Abasovun “Sumqayıt”dan “Neftçi”yə gətirmək istədiyi 4 oyunçu barədə fikirlərini dilə gətirib:
“Səbuhi Abdullazadə və Elvin Bədəlov indiki vaxtda «ağ-qaralar»a kömək etmək gücündədir, amma eyni sözləri Roi Kehat və Cordan Rezabala barəsində demək olmaz”.
Tanınmış telejurnalistin fikrincə, israilli yarımmüdafiəçi və ekvadorlu hücumçu ən yaxşı halda “Sumqayıt”ın uğurları üçün çalışa bilərlər. “Neftçi”yə isə onlardan səviyyəcə üstün legionerlər lazımdır.
Rzayev bldirib ki, adını çəkdiyi baş məşqçi keçmiş komandasının üzvlərini “Neftçi”yə daşıyarsa, böyük səhvə yol vermiş olar.
