Sumqayıtda stolüstü tennis üzrə ölkə çempionatı keçirilib.
Sumqayit24.az xəbər verir ki, “Qarabağ NN” klubunda təşkil olunan yarışda Bakı, Sumqayıt, Salyan, Şirvan, Şəki və Şabrandan olan 100-ə yaxın 2014-cü il təvəllüdlü və daha azyaşlı idmançılar iştirak ediblər.
Oğlanlar arasında Əliəkbər Mirzəliyev 1-ci, Cəfər Almədədli 2-ci, Saleh Hümbətov və Camal Kərim 3-cü yeri tutublar.
Qızların yarışı Mehri Aslanzadənin qələbəsi ilə nəticələnib. O, finalda Nailə Nəzirovaya qalib gəlib. Mehin Mirzəbalayeva ilə Zəhra Cəfərli isə 3-cü olublar.
Fərqlənən idmançılara Stolüstü Tennis Federasiyasının hədiyyələri təqdim edilib.
