“UltraSumqayıt” fanklubunun “Sumqayıt” tərəfindən ədalətsizliyə məruz qaldığı ilə bağlı bəyanatı diqqətinizə çatdırdıq. Belə ki, azarkeş qrupu klubun ayrı-seçkilik etdiyini, digər fankluba dəstək göstərildiyi halda, onlara kömək edilmədiyini bildirir.
“Sumqayıt”ın mətbuat xidmətinin rəhbəri Zaur Xudiyev football-plus.az-a məsələ ilə bağlı açıqlama verib:
“Həmişə “UltraSumqayıt” fanklubu üçün həm ev görüşləri, həm də səfər oyunlarına görə həm bilet, həm də nəqliyyat təşkil olunub. Biz bunu hansısa qarşılıq gözləmədən etmişik. Bunu dana bilməzlər. Onlar bir neçə gün əvvəl bəyanat yayaraq bildirdilər ki, müstəqil fanklubdular və heç kimə tabe deyillər. Oyunlara öz hesablarına gəldiklərini dedilər. Var olsunlar, təki həmişə komandamıza dəstək versinlər. Amma bundan sonra “UltraSumqayıt”a hansısa dəstək göstərilməyəcək. Təbii ki, dedikləri kimi, öz hesablarına gəlmək istəsələr, ev oyunlarında onlar üçün sektor ayıra, həmin yerlər üçün olan biletləri yalnız onlara sata bilərik. Səfər oyunlarına da öz hesablarına gələ bilərlər”.
