Sumqayıtda şahmat həlletməsi üzrə 41-ci Azərbaycan çempionatı keçiriləcək. Sumqayıt24-ə bu məlumatı əməkdar məşqçi, şahmat bəstəçiliyi üzrə milli komandanın baş məşqçisi İlham Əliyev verib.
Birincilik 18-19 iyun tarixlərində 2 nömrəli UGİŞM-də (Şahmat məktəbi) təşkil olunacaq. Burada ölkəmizin bir çox şəhərlərindən şahmatçıların iştirakı gözlənilir.
Pandemiya ilə əlaqədar yaranmış 2 illik fasilədən sonra keçiriləcək ölkə çempionatında 10 yaşdan yuxarı 1-ci və daha yüksək dərəcəli şahmatçılar və şahmat bəstəçiləri iştirak edə bilərlər.
Xatırladaq ki, şahmat həlletməsi üzrə millimiz 2014-cü ildə dünya və Avropa çempionatında gümüş medal qazanmışdır.
