Gürcüstanın Tbilisi şəhərində para-pauerliftinq üzrə Dünya Kuboku keçirilib. Sumqayıt24 bu haqda 2 may tarixində Gənclər və İdman Baş İdarəsinə (GİBİ) istinadən xəbər verir.
Millinin üzvü, Sumqayıt idmançısı Leyla Kərimova dünya rekordunu təzələyərək 76 kq. nəticə ilə fərdi və ümumi çəkidə qızıl medala sahib olub. Digər təmsilçimiz Zəhra Dadaşova isə 74 kq. nəticə ilə fərdi çəkidə qızıl, ümumi çəkidə isə gümüş medala layiq görülüb.
Qeyd edək ki, onların məşqçiləri Yaşar Hacıyev və Taleh Məhərrəmovdur.
