Sumqayıtda mini-futbol üzrə şəhər birinciliyi keçirilib. Bu haqda Gənclər və İdman Baş İdarəsinin Facebook hesabına istinadən xəbər veririk.
“05 Mart Bədən Tərbiyəsi və İdman günü”nə həsr olunmuş yarış idarənin təşkilatçılığı ilə “Kapital Bank Arena“ stadionunda keçirilib. Burada, 2010-2011-ci il təvəllüdlü oğlanlardan ibarət komandalar bir-biri ilə mübarizə aparıb.
Nəticədə, birinciliyin qalibi “Sumqayıt” FK olub. 2-ci yerə 1 nömrəli İOEUGİŞM-in, 3-cü yerə isə İOEUGİM-nin komandası çıxıb.