Sumqayıtda şəhərin 75 illik yubileyinə həsr edilmiş cüdo idman növü üzrə (U-18) 2008-2010-cu il təvəllüdlü oğlanlar və qızlar arasında region birinciliyi keçirilib.
Sumqayit24.az xəbər verir ki, Abşeron-Xızı Regional Gənclər və İdman İdarəsinin təşkilatçılığı ilə keçirilən yarış Sumqayıt Olimpiya İdman Kompleksində baş tutub. Turnirin sonunda qalib və mükafatçılar diplom və medallarla təltif olunub.
Tədbirin keçirilməsində məqsəd şəhərdə cüdo idman növünün təbliği və inkişafı, idmançıların idman ustalığının artırılması, region yığma komandasının komplektləşdirilməsidir.
