Sumqayıt cüdoçuları Azərbaycan birinciliyində çıxış ediblər. Bu haqda 27 may tarixində Sumqayıt24 Gənclər və İdman Baş İdarəsinə istinadən xəbər verir.
Yeniyetmə (U-15) oğlan və qızlar arasında keçirilən turnir Bakı şəhərində baş tutub. Yarışda şəhər və rayonların 100 komandasından 642-dən çox idmançı iştirak edib.
Gərgin və maraqlı idman mübarizəsi şəraitində keçən yarışda idmançılarımız Arzu Rəşidova (+63 kq) və Emin Şərifov (38 kq) bütün rəqiblərinə qalib gələrək fəxri kürsünün ən yüksək pilləsinə qalxıblar. Hüseyn Məmmədov (34 kq) 2-ci, Lalə Yadigarlı (48 kq), Nihad Ağayev (38 kq), Hüseyn Mərdiyev (66 kq), Arzu İsayeva (52 kq), Fərid Xuduyev (42 kq), Xəyal Sərkərov (55 kq), Səid Bəşirli (+73 kq) isə 3-cü yerləri tutublar.
Birincilik Cüdo Federasiyasının təşkilatçılığı ilə həyata keçirilib.
