Sumqayıtda Yunan-Yoma güləşi üzrə gənc məşqçi-müəllim I-S Olimpiya dərəcəli hakim adı alıb. Sumqayıt24 bu haqda Gənclər və İdman Baş İdarəsinin sosial şəbəkə hesabına istinadən yazır.
Söhbət beynəlxalq dərəcəli hakim Sədi Quliyevdən gedir. Sözügedən “ad” ona Dünya Güləş Birliyinin İcraiyyə Komitəsinin qərarı əsasında verilib. Əldə olunmuş kateqoriyaya əsasən, Olimpiya Oyunlarında hakimlik etmək üçün o, seçim mərhələlərində iştirak hüququ əldə edib.
Bu uğur münasibətilə Sədi Quliyev, Sumqayıt şəhər Gənclər və İdman Baş İdarəsinin rəisi Elgün Hümbətov, idarəsinin rəsi müavini Rüfət Mahmudzadə və güləş federasiyasının hakimlər kollegiyasının sədri, beynəlxalq dərəcəli hakim Qərib Əliyevlə görüşüb.
