Sumqayıtlı qrosmeyster Zeynəb Məmmədyarova internat məktəbində qonaq olub. Bu haqda 15 aprel tarixində Sumqayıt24 xəbər verir.
Şahmat Federasiyasının Qadın və Sosial komissiyasının sədri Zeynəb Məmmədyarova Quba şəhəri valideyn himayəsindən məhrum olmuş uşaqlar üçün tam orta internat məktəbində olub. Görüş zamanı Zeynəb Məmmədyarova insanın əqli və mənəvi inkişafında şahmatın rolu haqqında geniş və maraqlı söhbət aparıb.
İnternat məktəbinin direktoru Xanım Bayramova ilə birlikdə gələcəkdə tədris ocağına şahmat müəlliminin cəlb edilməsi və uşaqların asudə vaxtlarının səmərəli keçirilməsi məqsədilə şahmat dərslərinin keçiriləcəyi müjdəsini verib və məktəbə şahmatlar hədiyyə edilib.
