Qaçırılmış nəqliyyat vasitəsi Bakı-Sumqayıt yolunda əzilmiş vəziyyətdə aşkar olunub. Bu haqda 31 mart tarixində Sumqayıt24 Daxili İşlər Nazirliyinin Mətbuat Xidmətinə istinadən xəbər verir.
Bakı sakini S.Abbasov avtomobillərin təmiri sexindən “Hyundai” markalı maşının qaçırıldığı barədə polis bölməsinə müraciət edib. Polis əməkdaşlarının keçirdikləri əməliyyat-axtarış tədbirləri nəticəsində avtomobil magistral yolda əzilmiş vəziyyətdə tapılıb.
Davam etdirilən tədbirlərlə nəqliyyat vasitəsini qaçırmaqda şübhəli bilinən Neftçala rayon sakini, əvvəllər məhkum olunmuş Vüsal Səfərov müəyyən olunaraq saxlanılıb.
Fakt araşdırılır.
