Arvadını öldürən şəxs azyaşlı qızına da ağır xəsarət yetiribmiş. Sumqayıt24 bu barədə 25 oktyabr tarixində Qafqazinfo.az-a istinadən xəbər verir.
Hadisə ayın 22-nə keçən gecə Saray qəsəbəsində baş verib. Belə ki, 28 yaşlı Vüqar Nəmətov qızını və onu qorumağa çalışan hamilə həyat yoldaşı, 27 yaşlı Səidə Nəmətovanı dəmir boru ilə amansızlıqla döyüb. Nəticədə hamilə qadın hadisə yerində ölüb.
Onun 7 yaşlı qızı isə ağır vəziyyətdə xəstəxanaya yerləşdirilib. Uşağın vəziyyətinin indi də ağır olduğu bildirilir.
Qeyd edək ki, Nəmətov saxlanılıb və onun barəsində cinayət işi açılıb.
