Sumqayıtda 7 yaşlı uşağın ölümündə ittiham olunan idmançı, məşqçi Mehman Xəlilovun ilkin ifadəsi məlum olub. Sumqayıt24 bu haqda 4 may tarixində Apa.az-a istinadən xəbər verir.
Sumqayıt Şəhər Məhkəməsində həbs qətimkan tədbirinin seçilməsi ilə bağlı təqdimata baxılarkən məşqçi özünü təqsirli bilməyib. O, uşağın ölümündə günahkar olmadığını bildirib.
Mehman Xəlilovun barəsindəki 4 aylıq həbs qətimkan tədbirindən apellyasiya şikayəti verilməyib.
Xatırladaq ki, hadisə 29 aprel tarixində baş verib. 29 yaşlı Mehman Xəlilovun azyaşlı Fərid Bakarovu sambo məşqi zamanı döyməsinə, sonuncunun da məhz buna görə ölməsinə əsaslı şübhələr müəyyən edilib.
Sumqayıt şəhər prokurorluğunda Cinayət Məcəlləsinin 126.3-cü (qəsdən sağlamlığa ağır zərər vurma ehtiyatsızlıqdan zərərçəkmiş şəxsin ölümünə səbəb olduqda) maddəsi ilə cinayət işi başlanıb. Mehman Xəlilov iş üzrə şübhəli şəxs qismində tutulub.
İbtidai istintaq davam edir.
