Saray qəsəbəsində narkotik vasitələrin satışı və təbliği ilə məşğul olan şəxs saxlanılıb. Bu barədə 14 sentyabr tarixində Daxili İşlər Nazirliyinə istinadən xəbər veririk.
Saray Polis Bölməsinin əməkdaşlarının həyata keçirdikləri tədbir nəticəsində qəsəbədə narkotik vasitələrin satışı ilə məşğul olan Cavid Əliyev saxlanılıb. Onun üzərinə baxış zamanı ümumi çəkisi 2 kiloqram olan marixuana və narkotik vasitələrin satışında istifadə etdiyi elektron tərəzi aşkar olunub.
Araşdırmalar zamanı C.Əliyevin Saray qəsəbəsində, əsasən, gənclər və yeniyetmələr arasında narkotik vasitlərin təbliği ilə məşğul olduğu müəyyən edilib.
Saxlanılan şəxslə bağlı toplanan materiallar İstintaq Şöbəsinə göndərilib. Araşdırma davam edir.
