Xaçmazda polis leytenantı Zaur Mirzəyevi döyən deputatın məhkəməsi Sumqayıt Ağır Cinayətlər Məhkəməsində baş tutacaq. Bu haqda Sumqayıt24 APA-ya istinadən xəbər verir.
Məlumata görə, deputat Eldəniz Səlimovun cinayət işi üzrə məhkəmənin hazırlıq iclası noyabrın 5-nə təyin edilib. İclasa hakim Hafiz Əliyev sədrlik edəcək.
Xatırladaq ki, Səlimov polis əməkdaşını "Starıy Dvor" restoranında xidməti vəzifələrinin icrası ilə əlaqədar döymüşdü. Bu səbəbdən deputat barəsində "vəzifə səlahiyyətlərini aşma" maddəsi ilə Binəqədi rayon məhkəməsinin qərarı ilə həbs qətimkan tədbiri seçilib.
