Sumqayıtda ahıl kişi amansızcasına qətlə yetirilib. Sumqayıt24 bu haqda 4 oktyabr tarixində Daxili İşlər Nazirliyinə istinadən xəbər verir.
Sentyabrın 14-ü Polis İdarəsinə 81 yaşlı Nadir Rzayevin itkin düşməsi ilə bağlı müraciət daxil olub. Dünən axşam saatlarında onun üzərində zorakılıq əlamətləri olan meyiti evinin həyətində basdırılmış vəziyyətdə tapılıb.
Şübhəli şəxs qismində Nadirin tanışı, Sumqayıt sakini, əvvəllər məhkum olunmuş 45 yaşlı Samir Abbasov saxlanılıb.
Apa.az-ın məlumatına görə, hadisə 21-ci mikrorayonda olan fərdi yaşayış evində baş verib.
Nadir Rzayev və evində usta işləyən Samir Abbasov arasında mübahisə düşüb. Tərəflər bir-birini kobud ifadələrlə təhqir ediblər. Bu zaman Abbasov 81 yaşlı kişini küt alətlə vuraraq öldürüb və meyitini həyətdə basdırıb.
