Sumqayıtlı idmançı Rasif Həbibovu öldürən ata və oğlunun cinayət işi üzrə məhkəmə prosesi yekunlaşıb. Bu haqda 3 may tarixində Sumqayıt24 Qafqazinfo.az-a istinadən xəbər verir.
Sumqayıt Apellyasiya Məhkəməsinin qərarı ilə qətldə təqsirləndirilən 51 yaşlı Əhəd İsmayılov və 23 yaşlı Ramil İsmayılova verilmiş cəzaların müddəti kəskin artırılıb. R.İsmayılovun cəzası 10 il 6 aydan 18 ilə, Ə.İsmayılovun isə 9 ildən 16 il həbs cəzasına dəyişdirilib.
Xatırladaq ki, hadisə 2017-ci ildə Sumqayıtın 21-ci məhəlləsində baş vermişdir. Həmin şəxslər söyüş üstündə 1992-ci il təvəllüdlü Rasif Həbibovu və 1988-ci il təvəllüdlü Samir Dadaşovu bıçaqlamışdılar. Hər iki yaralı xəstəxanaya yerləşdirilsə də, Həbibov dörd gündən sonra dünyasını dəyişmişdi.
