Sumqayıt şəhər internat tipli gimnaziyada mənimsəmə olub. Bu haqda 13 fevral tarixində Sumqayıt24 Baş Prokurorluğa istinadən məlumat verir.
Sözügedən tədris ocağının vəzifəli şəxslərinin qanunsuz əməlləri barədə şəhər prokurorluğuna məlumat daxil olub.
Aparılmış araşdırma zamanı 2021-2023-cü illər ərzində təhsil müəssisəsinin vəzifəli şəxslərinin xeyli miqdarda dövlət əmlakını mənimsəməsi, vəzifə səlahiyyətlərindən sui-istifadə və rəsmi sənədlərə bilərəkdən yalan məlumatlar daxil etməklə vəzifə saxtakarlığına yol verməsinə əsaslı şübhələr yaranıb.
Faktla bağlı Cinayət Məcəlləsinin “qulluq mövqeyindən istifadə etməklə və xeyli miqdarda mənimsəmə” və “vəzifə saxtakarlığı” maddələri ilə cinayət işi başlanılıb. İstintaq aparılır.
