Arvadının qətlində ittiham olunan Muhammet Gündüz həbs olunub. Sumqayıt24 bu haqda 8 may tarixində Apa.az-a istinadən xəbər verir.
Abşeron Rayon Məhkəməsində qapalı iclas keçirilib. Verilən qərara əsasən, Türkiyə vətəndaşı Muhammet Gündüz barəsində 4 aylıq həbs-qətimkan tədbiri seçilib. O, ifadəsində hadisəni qısqanclıq zəminində törətdiyini, əməlindən peşman olduğunu deyib.
Qeyd edək ki, hadisə dünən Novxanıda baş verib. Prokurorluğa 41 yaşlı Türkan Gündüzün ölməsinə dair məlumat daxil olub. Aparılmış araşdırmalarla 56 yaşlı Muhammet Gündüzün mübahisə zamanı arvadı Türkanı bıçaqlayaraq öldürməsinə əsaslı şübhələr müəyyən edilib.
Faktla bağlı Cinayət Məcəlləsinin 120.1-ci (qəsdən adam öldürmə) maddəsi ilə cinayət işi başlanılıb. Muhammet Gündüz şübhəli şəxs qismində tutulub.
Qətlə yetirilən Türkan Gündüz tanınmış plastik cərrah olub.
