Sumqayıt şəhərində və digər rayonlarda oğurluq edən şəxs saxlanılıb. Sumqayıt24 bu barədə 24 oktyabr tarixində Daxili İşlər Nazirliyinin Mətbuat Xidmətinə istinadən xəbər verir.
Quba RPŞ əməkdaşlarının keçirdikləri əməliyyat-axtarış tədbirləri nəticəsində Abşeron rayon sakin Elnur Nöhbalayev saxlanılıb.
Araşdırma zamanı həmin şəxsin Quba rayonu ərazisində mağazaya qapını sındırma yolu ilə daxil olaraq oradan 100 manat pul, eləcə də 1000 manat dəyərində ərzaq və qeyri-ərzaq məhsulları oğurladığı müəyyən edilib. Davam edən araşdırmalarla məlum olub ki, həmin şəxs bundan başqa, Sumqayıt şəhərində və Xızı rayonunda da müxtəlif vaxtlarda obyektlərə daxil olaraq oradan oğurluq edib və zərərçəkmişlərə külli miqdarda ziyan vurub.
Faktla bağlı Quba RPŞ-də cinayət işi başlanılıb. Məhkəmənin qərarı ilə E. Nöhbalayev barəsində həbs qətimkan tədbiri seçilib.
