Sumqayıt Tibb Mərkəzi (STM) qanvermə aksiyası təşkil edib.
Sumqayit24.az xəbər verir ki, iki gün davam edəcək aksiya Təcili Tibbi Yardım Xəstəxanasında keçirilir. İlk gündə STM-nin direktoru Elnur Azadxanov, direktor müavinləri və struktur bölmə rəhbərləri də daxil olmaqla, könüllü olaraq qatılan 100-dən çox əməkdaşı qan veriblər.
Xüsusi tibb briqadasının həkim-hematoloqları tərəfindən donorların sağlamlıq vəziyyəti yoxlanıldıqdan sonra onlardan qan götürülür. Tədarük olunan qan və ondan hazırlanan preparatlardan talassemiya və hemofiliya xəstəliyindən əziyyət çəkən pasiyentlərin, eləcə də qana ehtiyacı olan insanların müalicəsində istifadə olunacaq.
Qeyd edək ki, xeyriyyə aksiyası şəhər İcra Hakimiyyətinin təşkilatçılığı və Respublika Qan Bankının dəstəyi ilə reallaşıb.
