Bu gün Sumqayıtın igid oğlu, şəhid Müşfiq Bəktiyevin doğum günüdür.
24 yanvar 2002-ci ildə Corat qəsəbəsində doğulan Müşfiq, Vətən müharibəsində Azərbaycan Ordusunun sıralarında atıcı kimi döyüşüb. Cəbrayıl, Füzuli və Xocavənd uğrunda gedən savaşlarda igidlik göstərib, 27 oktyabr tarixində isə Xocavənd istiqamətində şəhidlik zirvəsinə ucalıb.
Vətən qarşısında xidmətləri dövlət tərəfindən yüksək qiymətləndirilib – Müşfiq Bəktiyev ölümündən sonra "Vətən uğrunda", "Xocavəndin azad olunmasına görə", "Cəbrayılın azad olunmasına görə" və "Füzulinin azad olunmasına görə" medalları ilə təltif edilib.
