Tam (11 illik) orta təhsil səviyyəsi üzrə martın 15-də keçirilmiş buraxılış imtahanında maksimal 300 bal toplamaqla ən yüksək nəticə göstərənlərdən biri də Sumqayıt şəhəri, 17 saylı orta məktəbin şagirdi Əli Əsgərov olub.
Təəssüratlarını bölüşən Əli bildirib ki, imtahana X sinifdə hazırlaşmağa başlayıb. Onun sözlərinə görə, imtahanda digər fənlərlə müqayisədə Azərbaycan dili fənni suallarını cavablandırarkən çətinlik çəkib.
Gələcək planlarından danışan Aydın qeyd edib ki, Bakı Ali Neft Məktəbində informasiya təhlükəsizliyi ixtisasına qəbul olmağı hədəfləyir:
"Digər abituriyentlərə tövsiyəm odur ki, qarşılarına aydın məqsəd qoyub ona doğru addımlasınlar. Hazırlıq prosesində əsas məqamlardan biri düzgün vaxt bölgüsüdür. Vaxt bölgüsünü doğru apardığıma görə asudə vaxtım da olurdu, kitab oxuyur, film izləyirdim".
Mənbə: AZƏRTAC
