34-cü məhəllədə antisanitar vəziyyət davam edir.
Sumqayit24.az-ın daha əvvəl xəbər verdiyi kimi, küçə ticarətçiləri satılmayan xarab meyvə-tərəvəzi ev 48/2-nin qarşısına tökürlər.
Bu gün isə məhəlləyə çıxan yerli sakinlər yolun ortasına atılmış inək başını aşkarlayıblar. Onlar başın qəssablar tərəfindən atıldığını iddia edirlər.
“Bu artıq çox oldu! Həyəti milçəklər basıb, bu özbaşınalığın və antisanitariyanın qarşısı alınmalıdır!”, - deyə şikayətçilər narazılıqlarını bildiriblər.
