27 sentyabr 2020-ci ildə Ermənistan silahlı qüvvələrinin cəbhəboyu törətdiyi genişmiqyaslı təxribatlara cavab olaraq Azərbaycanın Rəşadətli Ordusu əks-hücum əməliyyatına başladı. Vətən müharibəsi 30 illik işğala son qoyan parlaq Qələbə ilə nəticələndi.
Sumqayit24.az xəbər verir ki, bu gün tarixə haqq savaşımızın 32-ci günü kimi daxil olub. 28 oktyabr 2020-ci ilin xronikası:
- Azərbaycan Respublikasının Prezidenti İlham Əliyev özünün rəsmi “X” (əvvəl "Twitter") səhifəsində Bərdə sakinlərinin qisasının yerdə qalmayacağını bildirib.
- Prezident İlham Əliyev özünün rəsmi “X” (əvvəl "Twitter") səhifəsində Azərbaycan Ordusunun Zəngilan, Cəbrayıl, Qubadlı rayonlarının bir neçə kəndini işğalçılardan azad etməsi ilə bağlı paylaşım edib.
- Prezident İlham Əliyev Rusiyanın İnterfaks agentliyinə müsahibə verib.
- Azərbaycan Respublikasının Birinci vitse-prezidenti Mehriban Əliyevanın rəsmi “İnstagram” səhifəsində Ermənistanın Bərdədə dinc sakinlərə etdiyi hücumla bağlı paylaşım edib: "Bu cür vəhşicəsinə hücumlar onu göstərir ki, ermənilərin qəddarlığının həddi yoxdur"
- Tərtər, Tovuz, Gədəbəy, Daşkəsən və Qubadlı rayonları atəşə tutulub.
- Düşmənin məhv edilən hərbi texnikasının siyahısı açıqlanıb.
- Qubadlı istiqamətində düşmənin atıb qaçdığı hərbi texnika və silah-sursatın videogörüntüsü yayılıb.
- Azərbaycan Ordusu tərəfindən Ermənistana məxsus hərbi texnika və canlı qüvvəsini məhv edilməsinin videogörüntüləri yayılıb.
- Bərdədə ölənlərin sayı 21 olub, 70 nəfər yaralı olduğu açıqlanıb.
- Bölmələrimiz şəhər və rayonlarımıza atəş açan düşməni məhv edib. Dinc əhalini atəşə tutan düşmənin canlı qüvvəsi sərrast atəşlə məhv edilib.
- Döyüş meydanından qaçan düşmən qüvvələri məhv edilib.
- Bərdənin vurulma anının videogörüntüsü yayılıb.
