Sumqayıtda "Patronaj xidmətinin gücləndirilməsi" layihəsi çərçivəsində təlim keçirilib.
Sumqayit24.az xəbər verir ki, "Patronaj xidmətinə məsul tibb bacıları üçün immunizasiya zamanı ünsiyyət" adlı seminar Sumqayıt Tibb Mərkəzində (STM) təşkil olunub.
Təlimdə ilkin səhiyyə xidməti üzrə direktor müavini Namirə Abbasova, baş həkimlər və ümumilikdə 50-yə yaxın əməkdaş iştirak edib.
Tədbirin əsas məqsədi patronaj xidmətində immunizasiya zamanı ünsiyyətin keyfiyyətini yüksəltmək, əməkdaşların bilik və bacarıqlarını artırmaq olub.
