Sumqayit24.az-a şikayət ünvanlayan sərnişinlərin sözlərinə görə, 7A marşrut xəttinin bir çox sürücüləri Bakı küçəsi ilə hərəkət edərkən Sumqayıt avtovağzalına daxil olmadan marşrutu yarımçıq saxlayırlar.
Sərnişinlər bildirirlər ki, sürücülər nə hava şəraitini, nə də qoca, əli yüklü insanları nəzərə alır, "12 mərtəbələr"dən birbaşa Sülh prospektinə dönür, avtovağzal dayanacağına isə girmirlər:
"Sürücü avtovağzala gedəcəyimizi dedi. İşıqforda yaşıl işıq yanırdı. Amma pul yığan "konduktor" xanıma qışqırdı ki, "tez ol, qırmızıya düşəcəyik". Qırmızı işıq yanandan, sonra isə həmin şəxs əsəbiləşib, avtovağzala getməyəcəklərini, sağa dönəcəklərini bildirdi.
Biz bezmişik vallah! Bu cür halların qarşısını almaq lazımdır".
