Sumqayıtda fəaliyyət göstərən 7 nömrəli sərnişin avtobusu barədə yenə şikayət var.
Sumqayit24.az-a müraciət edən vətəndaşların sözlərinə görə, Sumqayıt Dəmiryol Vağzalının qarşısına qədər hərəkət etməli olan 7 nömrəli marşrut avtobusları bu istiqamətdə hərəkət etmir və vağzalın ərazisinə daxil olmurlar.
Sakinlər bildiriblər ki, bu vəziyyət gündəlik olaraq həmin marşrutdan istifadə edən sərnişinlər üçün çətinlik yaradır.
Hətta vətəndaşlardan biri 7 nömrəli avtobusun vağzalın ərazisinə daxil olmadığını lentə alıb.
Məsələ ilə bağlı aidiyyəti quruma sorğu ünvanlanıb.
Xatırladaq ki, redaksiyamız 20 avqust tarixində də sözügedən məsələ ilə bağlı şikayət işıqlandırıb.
