Əməliyyat otağında doğum gününü qeyd edən həkimin həyat yoldaşı da işdən çıxıb.
Xeberle.com-un məlumatına görə, bu hərəkətinə görə işinə xitam verilən "German Hospital"ın cərrah mama-ginekoloqu Ləman Əliyevanın həyat yoldaşı, sözügedən klinikanın Ginekologiya və doğum şöbəsinin müdiri Əziz Rəfibəyov da işindən ayrılıb.
O, Sumqayıtdakı “Real” Tibb Mərkəzində Ginekologiya və doğum şöbəsinin müdiri kimi fəaliyyətə başlayıb.
Qeyd edək ki, Ə.Rəfibəyov 1999-cu ildə Qırğızıstandan Azərbaycana gələrək, Sumqayıt şəhəri 2 saylı doğum evində mama-ginekoloq vəzifəsində çalışıb. 2000-ci ildə Qırğızıstan Dövlət Tibb Akademiyasının aspiranturasına daxil olub və 2003-cü ildə bitirib.
Bir müddət Bişkek şəhərində Respublika Doğum Evində mama-ginekoloq vəzifəsində çalışıb. 2014-cü ildə Bakıda sertifikasiya komissiyasından keçib.
Son illərdə Sumqayıt şəhərində "Real" Tibb Mərkəzində və Bakıda "Caspian International Hospital"da mama-ginekoloq vəzifəsində çalışıb.
