Sosial Xidmətlər Agentliyi tənha yaşayan Xalq artisti Svetlana Həkimovanı Beynəlxalq Ahıllar Günündə ziyarət edib.
Gənc yaşlarından sənətə gələn Svetlana Həkimova uzun illər Hüseyn Ərəblinski adına Sumqayıt Dövlət Musiqili Dram Teatrında çalışıb.
Heç vaxt ailə qurmayan 84 yaşlı Xalq artisti özünü sənətə qurban verdiyini deyib:
"Sənətə mən çoxdan, lap gənc yaşlarımdan bağlı olmuşam. Qızın da bir sevib-sevilən vaxtı var. Məni də kimsə sevirdi. Həmin şəxs dedi ki, iki ərizə yazırıq, birini nikah, digərini də işdən çıxmağın üçün. Amma mən "işdən çıxmayacağam" dedim. Elə də oldu, işdən çıxmadım. Ailə qurmadım, sənətə bağlandım. Özümü sənətə qurban verdim. Oynadığım rollar, yaratdığım obrazlar mənim övladlarımdır. Çünki mən onları sevə-sevə canlandırmışam".
Qeyd edək ki, Svetlana Həkimova 2013-cü ildən tənha ahıl kimi sosial xidmətə cəlb olunub.
Ətraflı Baku TV-nin süjetində:
[video width="640" height="360" mp4="https://sumqayit24.az/storage/photos/2024/10/84-yasli-Xalq-artisti-onu-sevan-oglanla-niya-evlanmadi_-Ovladlarim-oynadigim-rollardir1.mp4"][/video]
