Sumqayıt şəhər Heydər Əliyev Mərkəzində "Mən bu xalqın haqq səsiyəm..." adlı tədbir keçirilib. Sumqayıt24 bu barədə 2 dekabr tarixində mərkəzə istinadən xəbər verir.
Əhməd Cavadın 130 illik yubileyinə həsr edilmiş ədəbi-bədii gecədə Sumqayıt Dövlət Peşə Təhsil Mərkəzinin rəhbər-müəllim heyəti və tələbə kontingenti, valideynlər, eləcə də mərkəzin əməkdaşları iştirak ediblər.
Tədbirdə şəhidlərimizin əziz xatirəsi ehtiramla yad edilib. Mərkəzin direktoru Gülşən Ömərova gecənin məqsədi və mahiyyəti haqqında iştirakçılara məlumat verib.
Tələbələrin ifasında şairimizin sözlərinə yazılmış mahnılar ifa edilib, şeirlər səsləndirilib. Maraqlı nüanslardan biri də Əhməd Cavad obrazının yaradılması olub. Sonda iştirakçılara mərkəzin rəhbərliyi tərəfindən fəxri fərmanlar təqdim olunub.
