Sumqayıt şəhəri, 16-cı məhəllədə yerləşən yataqxana qəzalı vəziyyətdədir. Bu haqda 6 iyul tarixində Sumqayıt24-ə izləyicidən məlumat daxil olub.
Söhbət 3 saylı yataqxanadan gedir. Binanın tavan və divar hissəsində iri çatlar müşahidə olunur. Təmirsiz qalan tikilinin döşəməsi bir sıra yerlərdə çöküb.
Sakinlərin sözlərinə görə, bir neçə il əvvəl yataqxananın üst mərtəbəsində yerləşən Hərbi prokurorluqda tavan uçmuşdu.
“Aidiyyəti qurumlara dəfələrlə müraciət etmişik. Bəs zəlzələ vaxtı dağıntılar altında qalan vətəndaşlara görə kim cavab verecek?”, - deyə sakinlər bildiriblər.
